غزل۔ کنارِ فرات امتحاں اور بھی ہیں

بدھ, اکتوبر 30, 2013 عرفان وحید 0 Comments


کنارِ فرات امتحاں اور بھی ہیں
لبِ دریا تشنہ لباں اور بھی ہیں


ابھی عشق کی سختیاں اور بھی ہیں
ابھی رہ میں دشتِ زیاں اور بھی ہیں

یہ موقوف کچھ دوستوں پر نہیں ہے
یہاں دشمنِ نقدِ جاں اور بھی ہیں

کڑی دھوپ تھی راحتِ جاں، جو سمجھا
مری راہ میں سائباں اور بھی ہیں

نہیں ایک میرا ہی غم معتبر کچھ
-دکھی دل ہزاروں یہاں اور بھی ہیں۔

ہمیں ہے امیدِ کرم ان سے ورنہ
ستم کچھ ورائے گماں اور بھی ہیں

ابھی ہیں اندھیرے جو غالب تو کیا غم
ابھی کچھ دیے ضو فشاں اور بھی ہیں

اگر ایک دیوار ہے بے مروت
شجر اور بھی، سائباں اور بھی ہیں

عرفان وحید۔۳۰/اکتوبر، ۲۰۱۳

0 comments:

تبصرہ کیجیے

تکثیری معاشرہ اور ہمارا مطلوبہ رویہ -آخری قسط

جمعرات, اکتوبر 10, 2013 عرفان وحید 0 Comments

دوسروں کے سب و شتم سے احتراز

مسلمانوں کا دوسرے مذاہب کے ماننے والوں کے تئیں رویہ اسلام کے عمومی انسانیت نواز نظریے سے جلِا پاتا ہے۔ ہم اس سے پہلے ذکر کر چکے ہیں کہ اسلام اپنے پیروکاروں کو دوسرے مذاہب کے ماننے والوں کے مذہبی جذبات کے احترام کی تعلیم دیتا ہے۔ قرآن کا ایک واضح فرمان مسلمانوں کو دوسروں کے دیوتاؤں اور خداؤں کے سبّ و شتم سے گریز کرنے کا حکم دیتا ہے

نظم۔ کاروانِ سخت جاں

بدھ, اکتوبر 02, 2013 عرفان وحید 0 Comments



مصر میں فوجی جارحیت سے برسرِ پیکار اخوانی جیالوں کے نام ایک نظم

0 comments:

تبصرہ کیجیے

غزل۔ ہر چند یہاں خیر کا خواہاں بھی وہی ہے

منگل, اکتوبر 01, 2013 عرفان وحید 0 Comments

ہر چند یہاں خیر کا خواہاں بھی وہی ہے
پر آگ لگانے میں نمایاں بھی وہی ہے

0 comments:

تبصرہ کیجیے